അപരിചിതവും എന്നാൽ പരിചിതവുമായ അനുഭവമണ്ഡലങ്ങളാണു് എസ്.ഹരീഷിന്റെ കഥാഭൂമിക. പുതുകഥയിൽ തീവ്രമായ മനുഷ്യദുഃഖത്തിന്റെയും കലുഷകാലത്തിന്റെയും ആത്മാംശങ്ങളന്വേഷിക്കുന്നവരെ അമ്പരപ്പിക്കുന്നു ഈ കഥകൾ. ഒറ്റപ്പെട്ട മനുഷ്യരും മൃഗങ്ങളും പ്രകൃതിയും തകിടംമറിയുന്ന, വിധിവൈപരീത്യത്തിന്റെ പുതുകാലജീവിതം നിർമമതയോടെ ചിത്രീകരിക്കുന്ന രചനകൾ. ആദം, മാവോയിസ്റ്റ്, നിര്യാതരായി, കാവ്യമേള, മാന്ത്രിക വാൽ, ചപ്പാത്തിലെ കൊലപാതകം, വേട്ടയ്ക്കൊരു മകൻ, രാത്രികാവൽ, ഒറ്റ തുടങ്ങി സമീപകാലത്തു് ഏറെ ചർച്ചചെയ്യപ്പെട്ട ഒൻപതു കഥകൾ.