മുഖ്യമന്ത്രി എന്ന നിലയിലും അതിനേക്കാളുപരി ഉത്തരവാദിത്വപ്പെട്ട ഒരു പൊതുപ്രവർത്തകന്റെ പൌരധർമ്മം എന്ന നിലയിലും പൊതുപ്രശ്നങ്ങളിൽ സജീവമായി ഇടപെട്ടുകൊണ്ടിരിക്കുന്ന വി.എസ്.അച്യുതാനന്ദന്റെ നിലപാടുകളുടെ പുസ്തകമാണിതു്. സമരത്തിനു് ഇടവേളകളില്ല എന്ന കൃതിയിലൂടെ അദ്ദേഹത്തിന്റെ കാഴ്ചപ്പാടുകൾ മുമ്പുതന്നെ ശ്രദ്ധേയമായിരുന്നു. ആ കാഴ്ചപ്പാടുകൾക്കു് കൂടുതൽ വ്യക്തതയും മൂർച്ചയും വന്നതായി ഈ ലേഖനങ്ങളിലൂടെ നമുക്കു വ്യക്തമാകുന്നു. വിട്ടുവീഴ്ചയില്ലാത്ത പോരാട്ടമാണു് ഒരു സഖാവിന്റെ ജീവിതകർമ്മമെന്നു വീണ്ടും ഉറപ്പിച്ചുപറയുകയാണു് ഇവിടെ വി.എസ്.